​

O Festival Groba continúa co seu programa de mentorship focalizado no desenvolvemento do talento de mozos músicos a través da práctica da música de cámara. O programa ofrecerá non só clases gratuítas de música de cámara impartidas polos principais artistas convidados do Festival Groba, se non que complementará a formación destes novos talentos con consellos profesionais de management e carreira profesional. Ademais os mozos músicos participantes no programa de mentorship presentaranse nalgúns dos concertos do festival, compartindo escenario cos seus mentores.

 

Nesta segunda edición do programa contaremos cunha colaboración especial coa Boston String Academy, centro de formación americano pioneiro no desenvolvemento en Estados Unidos dos valores e principios formativos do aclamado "sistema". Serán 14 mozos músicos os que asistan en Ponteareas a todas as actividades educacionales especialmente deseñadas para esta segunda edición, formando diversos grupos de cámara (cuartetos e quintetos de cordas) á vez que complementan a súa formación orquestral con masterclases de repertorio e cunha colaboración especial entre a Boston String Academy e a Orquestra de Cámara Galega nun repertorio que vai desde as grandes obras de compositores como Vivaldi ou Bach ata as creacións do Mestre Groba e outros compositores contemporaneos á súa figura do outro lado do Atlántico; axudando así a difundir o noso repertorio e cultura.